扎话到下饭，闹，今早我章师母要扎大家来话咯一碗下饭，估计伢电视机前咯马大嫂个个人都会做咯，鞋是一道家常菜，索咯下饭？红烧肉。红烧肉虽然看似家常，但是各地咯做法和口味却是千变万化。比如话像北方红烧肉咯做法，伊是注重浓香、咸鲜；而伢南方红烧肉却讲究咯是味浓、酒香、而且口味高头鞋是偏甜咯。再比如话四川和湖南咯一带咯红烧肉爷还特别喜欢加辣。而我章师母觉得，要话红烧肉烧来最醉人咯，估计就要数伢绍兴咯红烧肉哉，因为另外埭伍烧红烧肉，料酒只是稍微掺些进动就好哉，而伢绍兴人烧红烧肉，黄酒、啤酒岁当白开水一样腾咯。闹，就像伢下底咯位张华，张大厨，伊今早就要来拨大家做一道蛮有创意咯红烧肉，鞋是爷泰来裳民宿咯招牌菜之一—《鲍鱼红烧肉》。