好多童鞋睇完琴日嘅推送

都表示对台湾垦丁海生馆嘅夜宿感兴趣

咁我就同大家分享下我去台湾海生馆夜宿嘅经历啦！

blueblueblue~~~~（吐下泡泡）
中午从垦丁大街出发海生馆

会有人系车站附近拉客100NT一个人

坐bus只要50+NT一个人

唔赶时间嘅尽量坐bus啦

因为拉住行李箱

所以就冇影大门口

检票口右手边就有夜宿签到处

然后领个牌

我地住嘅系白鲸区

呢个网上订嘅时候就已经选好

唔可以更改

有好多个区域可以选

大家可以自己百度一下

我地系携程买嘅

当时系408RMB一个人

（包含两日门票以及夜宿所有费用）

好似大渔都有

成个海生馆分为两栋大楼

门口入去第一栋就有珊瑚王国馆同台湾水域馆两个区域

另一栋就是世界水域馆

包含极地区，海藻森林等等等

珊瑚王国嘅夜宿又分为三个区

分别系海底隧道，沉船甲板，白鲸区

本黎想买海底隧道

但系太难买了

（因为每个区都系有名额限制噶，差唔多要提早三个月预定）

本身想买海底隧道

但系买唔到

如果系代理网站买基本上系冇可能买到海底隧道

要上官网买

而且要抢

可以用visa比钱

具体自己百度啦

个人觉得系携程买方便好多

支付宝搞定

沉船甲板同海底隧道睇嘅系同一缸鱼

巨巨巨巨巨大嘅鱼缸

隧道系鱼缸最底下

沉船甲板系贴住鱼缸

睇呢个花园鳗就可以睇好耐...

因为真系好可爱超级萌超级细胆

去到仲比较早

未到集合时间

寄存行李之后就可以自由活动

寄存行李免费

夜宿集合时间下下午四点

存行李嘅地方就系服务中心

一定要拿一张地图

上面有各种生物嘅喂食时间

呢度冇任何动物表演

只有喂食表演

因为海洋馆就系海边

所以行出去室外都非常舒服

最最最中意嘅一张

真系超级靓啊

好似一只只小精灵咁

而且呢度嘅水母

距只脚系紫色噶！

海藻森林其实系一个三层高嘅大鱼缸

入边嘅海藻都有三层楼咁高

现场睇感觉震撼好多

睇相睇唔出距有几大缸

极地馆嘅企鹅

如果你买左极地馆嘅夜宿

你晚上就可以同距地一齐训啦哈哈

翻到大堂

准备集合啦

每组夜宿家庭都会有一个好大嘅柜放行李

管理非常有秩序

跟住就开始夜宿嘅行程啦

首先去后场

上图呢个系隔离池

连住海底隧道果个大水缸

d新仔要系度住一段时间

先可以放入大水缸

可以喂鱼

饲料系南极磷虾

但系好腥

洗手都洗唔走果阵味

仲有小丑鱼bb

超级可爱

睇完就去食晚饭

夜宿包一晚一宵夜一早

都系一碟碟任拿

食到饱为止

卤肉饭尤其好食

其他都好好食

感觉好家常嘅味道

非常合胃口

因为小朋友好多

为左避免浪费

距都系比较小碟

我地食左十几碟吧哈哈哈

唔使怕丑

大家都系食咁多

对了仲有

冰红茶超级无敌好饮

食完饭就系做黏土时间

每组都有几块黏土...

基本上都系大人陪住小朋友做

如果你唔想做就可以直接去洗漱了

洗漱嘅地方基本上唔需要等

入边系隔间

非常干净

而且有风筒

唔提供洗漱用品

但系有热水

提供热嘅饮用水

食唔饱可以充杯面

充电嘅话有充电柜

但系比较少格一般排唔到

最好自带充电宝

昨晚黏土就集合食宵夜

宵夜得一样

绿豆蒜

比垦丁大街嘅好食好多

食完之后就会有人带你去夜宿嘅区域分发被铺

晚上嘅话基本上影唔到相

因为会关灯

比较黑

但系肉眼系可以睇到

睇左一晚白鲸

两条白鲸游黎游去系度玩

超级可爱啊

睇到唔舍得训教！！！

如果你趴系个玻璃前面

距会游过黎同你打招呼

而且可以听到白鲸嘅歌声哈哈哈

第二日嘅早餐都系自助餐

好正好丰盛

上下两张图都系我食噶哈哈哈

跟住就去大洋池睇喂鱼表演

呢个都系夜宿专享

因为呢个时候海洋馆未开门

只有夜宿嘅人

所以就唔会好多人

可以好好咁欣赏成个喂食表演

饲养员一进入就比鱼鱼包围晒啦

超好睇

好似个旋涡咁包围住饲养员

睇完大洋池就排队去潮汐间

分成小队跟住导览员去潮汐间稳小动物

潮汐间~

就系指涨潮时候有水

退潮嘅时候冇水嘅浅滩

往出去就系大海

超级无敌爽

但系因为呢度好多石头

所以要比较小心

我稳到嘅寄居蟹bb

超级可爱

观察完要放翻原位哦~

潮汐间活动结束之后

仲有一堂海洋保护课

上完之后成个夜宿活动就结束啦！！

总嘅黎讲体验超级好~

呢个夜宿我觉得系黎台湾必体验

虽然我已经住过一次

但系下次黎我依然会继续选择一晚海洋馆夜宿~

可以选其他区域嘛哈哈哈~

你有什么想去的地方？

你想知道哪里的攻略？

小编哪里还做得不够好？

欢迎在公众平台留言

或者私信我哦~

私人微信：KuangRenLY

么么哒(づ￣ 3￣)